Ginpahayag it Philippine National Police nga base sa report it Bureau of Immigration, uwa pa it indikasyon nga nakaguwa eon it Pilipinas si Suspended Bamban, Tarlac Mayor Alice Guo.
Suno kay PNP Spokesperson Col. Jean Fajardo, maging ro mga kaibahan kara nga ginatugis man hay uwa gihapon nakaguwa sa nasyon.
Nauna eon nga naireport nga may arrest order eon si Guo halin sa Senado matapos nga uwa kara gintambungan ro mga pagpamati angot sa gin-raid nga Philippine Offshore Gaming Operator (POGO) hub sa Bamban.
Ginpasaka man ro arrest order kontra sa anang mga igmanghod nga sanday Sheila Leal Guo, Wesley Leal Guo, Jian Zhong Guo, Seimen Guo ag ro ginapatihan nga ina kara nga si Wen Yi Lim.
Nagpaandam si Fajardo nga may pagaatubadngon man nga kaso ro mga nagabulig nga itago si Guo ag ro mga kapareho kara nga akusado.
