Nagpanawagan ro World Health Organization (WHO) sa mga donor nga padayunon ro suporta sa pagsolusyon sa Ebola outbreak sa nasidlangang parte it Democratic Republic of Congo (DR Congo), matapos mabaton ro kapin sa 40 porsiyento eamang it ginakinahangean nga $115 milyon nga pondo para sa kampanya kontra sa Bundibugyo strain it Ebola.
Base sa datos it gobyerno, umabot eon sa 1,926 ro nalistang kaso it impeksiyon samtang 702 eon ro namatay.
Uwa pa it aprubadong bueong ukon bakuna para sa nasambit ngaklase it Ebola.
Suno sa WHO, importante ro dugang nga pondo para mapabaskog ro pagtumod ag pag-separar sa mga pasyente, kapin eon ag kumlahit ro outbreak sa daywa pang probinsya.
Ginabueubanta man it ahensya nga mas mataas pa sa opisyal nga numero ro aktuwal nga kaso it Ebola sa nasyon.
