INTERNATIONAL News —- Nagbisita si Pope Francis sa Italian prison agud nga magpatigayon it misa para sa Huwebes Santo.
Owa eamang nagwale ro santo papa kundi ginhugasan ag ginharuan man ro siki it 12 nga mga inmates bilang pagdumdum sa pagpakita ni Jesus it pagpa-ubos sa anang mga apostoles sang gabi-i antes ro anang kamatayan.
Sa makaron nga dag-on hay nag-agto si Pope Francis sa siyudad it Civitavecchia sa Roma, ag kaibahan sa mga ginhugasan ag ginharuan hay ro mga siki it babaye ag eaeaking inmates ag sangka magueang nga babaye.
Sa anang homily hay ginpahayag it santo papa nga raya hay sambilog sa anang pamaagi nga indi magahusga it sin-o man sa baylo hay ginatinguhaan nga magserbisyo sa kada isaea.
Madumduman nga kakaiba sa mga nauna nana nga ginapatigayon sa St. Peter’s Basilica ukon iba pang mga katedral sa Roma hay ginpadayun ni Pope Francis ro nasambit nga tradisyon sa mga presuhan ukon sa mga baeay para sa mga katigueangan.
