Nagpadumdom si Pope Leo XIV sa mga pamatan-on angot sa tamang paggamit it artificial intelligence (AI) sa andang pagtuon.
Sa anang diskurso sa sangka youth conference sa Amerika, ginpahayag it Santo Papa nga mabahoe nga bulig sa makaron nga henerasyon ro pagtuhaw it AI apang mas mayad kon mangin responsable ro mga pamatan-on sa paggamit kara.
Suno kay Pope Leo, indi eamang dapat nga isalig tanan sa AI ro tanan eabi eon ro pag-obra it assignment.
Dugang pa nana nga ro responsable nga pag-gamit it AI hay nagakahueugan nga ro paggamit kara it mga pamatan-on hay eubus nga makabulig sa andang pag-grow.
Nakipag-istorya ro Santo Papa sa mga pamatan-on sa sueod it kapin sa 40 minutos kun sa siin ginsabat nana ro mga pangutana angot sa Katoliko nga pagtuo ag gin engganyo ro tanan nga makipag-amigo sa sueod it eskwelahan.
