KALIBO, Aklan—Nag-arangkada eon ro ap-at nga adlaw nga Professional Regulation Commission (PRC) mobile service program nga ginlunsar sa banwa it Tangalan.
Suno kay Mark Tala-oc, sangka political officer ni Aklan second district Teodorico Haresco nga ro nasambit nga programa hay inisyatibo mismo it kongresista nga gingastusan it anang taeatapan.
Ginpaathag ni Talaoc nga nasayuran sigon it kongresista nga maabong mga Aklanon ro nagakinahang-ean it serbisyo it PRC ag nakit-an nana ro kalisod sa paglakad it andang dokumento sa syudad it Iloilo.
Angot kara, ginlunsar ro programa bukon eamang it para sa mga Aklanon kundi sakop eon kara ro mga pumueoyo it mga kaeapit nga probinsya nga may mga dokumento nga ginalakad sa PRC.
Sakop kara ro renewal it mga PRC cards, pagproseso it mga examination ag maabong iba pa.
Tuyo sigon it kongresista nga mapaeapit sa tawo ro serbisyo ag mabuhinan ro andang gastos.
Ro nasambit nga programa hay magabuhay hasta sa adlaw it Biyernes, Agosto 11, 2023.
