KALIBO, Aklan—Preparado eon ro Philippine Coast Guard (PCG)-Aklan sa pagahimuon nga deployment sa selebrasyon it piyesta minatay.
Suno kay Dominador Salvino, Deputy Station Commander for Operations it Coast Guard Aklan nga ginaeauman eon nanda ro pagbuhos it maabu nga mga pasahero sa pantalan para sa long weekend.
Ginpasiguro man kara ro 24/7 nanda nga pagbantay para magtao it seguridad ag masigurado ro kaeuwasan it mga pasahero ag turista.
Magapakalhit sigon sanda it mga tawuhan sa Caticlan Jetty Port para magsikyar sa pasueod ag pagguwa nga pasahero kamana man sa mga pantalan pasueod ag pagguwa it isla it Boracay.
Haum eon man sigon ro andang mga asset para gamiton sa operasyon kaeakip ro regular nga pagpatigayun it pagpatrolya para masikyar ro sitwasyon.
