Napas-eawan nga mapatalsik bilang presidente it South Korea si Yoon Suk Yeol matapos i-boycott it mga mamalidha halin sa anang partido ro boto sa pihak it mga protesta sa guwa it parliament.
Kasunod raya it panandaliang deklarasyon ni Yoon it martial law sa nasambit nga nasyon.
Ginsuhestyon it mga oposisyon ro impeachment motion kon sa siin nagakinahang-ean it two thirds majority.
Apang, haeos kabilugan it People Power Party (PPP) hay uwa nagoto.
Suno pa sa mga oposisyon nga mga mamalidha, kon inde makaeosot ro impeachment motion hay pagabalikan nanda raya sa adlaw it Miyerkules sa tunga eon man it kaakig it publiko bangud sa deklarasyon kara it martial law nga nagdaea sa East Asian democracy ag nagapangunang kaalyado it Estados Unidos sa kinagamo.
Ginpahayag it People Power Party nga ro pagharang sa impeachment hay agud malikawan ro “pagkawatak-watak ag kinagamo.”
Maresolba sigon ro krisis sa mas maayos nga pamaagi.
