Ginaeauman nga maging estable eon ro presyo it asukar sa nasyon sa pag-abot it buean it Nobiyembre kadungan sa pag-abot it mga gin-import nga asukar ag pag-umpisa it milling season.
Suno kay Sugar Regulatory Administration (SRA) Acting Administrator David Alba, ro retail price it refined sugar hay maga-stablize sa presyong P70 hasta it P80 kada kilo.
Sa datos halin sa monitoring it Department of Agriculture (DA) as of September 19, nagaguwa ro prevailing retail price it refined sugar hay kapin sa P95 kada kilo samtang ro washed sugar ag brown sugar hay ginabaligya sa haega nga P75 kada kilo ag P72.50 kada kilo.
Nauna eon nga ginpahayag ni Alba nga ro import program it gobyerno hay sangka pamaagi para mapun-an ro temporaryong gap bangud ginaeauman nga makaabot sa merkado ro mga suplay halin sa mga mills kadungan sa pagbalik it full operation it mga refineries sa masunod nga buean.
