Halos 6 porsiyento ro ginsaka it presyo it langis sa world market matapos nga uman nga nag-init ro tensyon sa tunga it Estados Unidos ag Iran kasunod it pahayag ni US President Donald Trump nga tapos eon ro ginapatuman nga ceasefire sa tunga it daywang nasambit nga nasyon.
Nagsaka sa USD 78.50 kada bariles ro Brent crude, samtang nagtaas man sa USD 74.60 kada bariles ro West Texas Intermediate (WTI).
Ginpa-grabe man it panibag-ong airstrikes it Estados Unidos kontra sa Iran ag pagbo-oe sa waiver nga nagapasugot sa pagbaligya it Iranian oil ro pagkabaeaka sa posibleng pagka-delay it suplay it langis halin sa Middle East.
Dugang pa kara nga nagtuga it pagkabaeaka ro mga pag-atake sa mga commercial vessel nga naga-agi sa Strait of Hormuz, sangka importanteng ruta nga gina-agyan it suplay it langis sa kalibutan, nga posibleng maka-apekto sa daeagan it krudo ag iba pang produktong petrolyo.
