Magataeana it mas maabong pulis ro Police Regional Office 6 (PRO-6) sa mga tourist spot, terminal, ag nagapangunang karsada sa Western Visayas kadungan it ginaeauman nga pagdagsa it mga biyahero makaron nga Semana Santa.
Suno sa PRO-6, igapatuman ro heightened security halin makaron nga Marso 29 hasta it Mayo 31, 2026 sa idaeom it Ligtas SUMVAC 2026, nga magasakop sa mga simbahan, paeoparan, pantalan, bus terminals, ag iba pang matawong lugar.
Kaparte man it pagpahaom para sa iba pang okasyon kaparehas it Philippine Veterans Week, Araw ng Kagitingan, Labor Day, ag mga lokal nga pista.
Magataeana it police assistance desks, pabaskugon ro checkpoint ag patrol operations, samtang magatutok man ro Highway Patrol sa kaeowasan sa karsada.
Gin-engganyo it PRO-6 ro publiko nga makipagbuligan ag magpabilin nga mapagmatyag agud masiguro ro eowas ag maayos nga pagbiyahe makaron nga bakasyon.
