-- ADVERTISEMENT --
KALIBO, Aklan—Naka-alerto ro bilog nga puwersa it Police Regional Office 6 sa nagahilapit nga holiday season.
Ginpasiguro ni P/Lt. Col. Arnel Solis, tagapaghambae it PRO-6 nga bastante ro numero it kapulisan nga iga-deploy sa tanan nga places of convergence partikular sa mga tourist spots kapareho it isla it Boracay, mga malls, simbahan ag iba pang mga matawong lugar.
Padumdum nana sa publiko nga kinahangean nga maging mapagbantay agud nga indi mabiktima it mga maeain nga elemento nga ginapanipuslan ro mga makarondaya nga kahigayunan bangud nga nasayuran nanda nga maabu ro kwarta it mga tawo kon paskwa.
Kadungan kara, padayun nanda nga ginatutukan ro andang anti drug campaign, illegal gambling ag iba pang ilegalidad .
