Ginatan-aw it House prosecution panel si dating Department of Education Assistant Secretary ag spokesperson Atty. Michael Poa bilang hostile witness sa impeachment trial ni Vice President Sara Duterte.
Suno kay House trial spokesperson Rep. Zia Alonto Adiong, importante ro testimonya ni Poa sa istorya it confidential funds it DepEd kat opisyal pa si Duterte.
Si Poa sigon ro sambilog sa mga opisyal nga naga-sabat sa Audit Observation Memoranda it Commission on Audit angot sa paggamit it confidential funds it DepEd.
Posibleng makabulig ro anang testimonya sa pagpaathag kun paalin gin-atubang it taeatapan ro mga audit findings ag mga konektadong dokumento.
Gintuead ni Adiong si Poa kay OVP Assistant Secretary Lemuel Ortonio, nga nauna eon nga ginpresenta it prosecution bilang hostile witness.
Apang, impeachment court gihapon ro may pinal nga desisyon kun kwalipikado si Poa bilang hostile witness.
Parte ro isyu it DepEd confidential funds it Article I it impeachment complaint kontra sa bise presidente.
