Naka’alerto ag activated eun ro Provincial Disaster Risk Reduction and Management Council – Aklan sa paeabuton nga Kapistahan ni San Juan de Bautista apisar nga raya hay hinaga pa apang maabo eun sigon ro mga naga’una ag naga’adto sa mga baybayon ukon coastal areas.
Pahayag ni Manuel Jeffrey Jizmundo ro Head it PDRRMO nga activated ro andang blue alert level.
Deployed eun man ro andang mga tawuhan sa tanan nga lugar, baybayon ukon mga kasubaan kaibahan nanda ro andang mga voluteers ag 17 nga mga MDRRMOs.
Samtang, pahayag ni Jizmundo nga sa tunga it emerhenisya mas manami kun may magatao it first aid measures apang kun uw agid mna hay tumawag sigon kanda.
Una eun man sanda nga whole government approach kun siin tanan nga instrument it gobyerno hay ginagamit ag sanda hay naka’red alert.
Nagbakae man sigon sanda it mga rescue truck, vehicle ag tanker nga siguradong makabulig sa andang pagresponde.
Padumdom nana nga indie un magpaligos kun nakainom, bantayan ro mga inunga ag magdahan kun nagabyahe ag bawae magdaea it hinganiban.
