KALIBO, Aklan—Ginklaro it Provincial Social Welfare Development Office (PSWDO) Aklan nga limitado eamang ro bulig pinansyal it gobyerno probinsyal sa mga tricycle drivers nga apektado it Covid-19 crisis.
Suno kay PSWDO Aklan head Evangeline Gallega, kon sin-o eamang ro ginpanglista it Tricycle Operators and Drivers Association ukon TODA president nga kwalipikado sa nasambitang ayuda hay sanda eamang ro makabaton.
Sambilog sa mga guidelines hay ro bukon it miyembro it 4P’s ag uwa nakabaton it cash aid sa idaeom it Social Amelioration Program ukon SAP.// ginpaathag dugang ni Gallega uwa dikara nakaibahan ro mga colurom drivers ag mga habal-habal drivers.
Kapin sa 1,300 drivers ro presenteng una sa andang listahan ag ginaeauman nga sa masunod nga mga inadlaw hay igarelease eon nanda ro 3,000 pesos nga bulig pinansyal.
Nauna eon nga ginpahayag ni Federation of Kalibo Tricycle Operators and Drivers Association Incorporation ukon FOKTODAI president Johnny Damian nga ginkalipay nanda ro bulig it gobyerno probinsyal sa tunga it Covid-19 pandemic.
Apang bukon it tanan nga mga tricycle drivers hay makabaton it nasambit nga kantidad.
