KALIBO, Aklan—Pila sa mga drivers it public utility jeepney ukon PUJ sa probinsiya it Aklan hay nagakabaeaka nga indi magiging bastante ro daywang piso nga dugang nga sukot sa pamasahe nga magiging epektibo sa Hulyo 1.
Suno kay Rodel Delos Santos, driver it pampasaherong jeep nga may biyaheng Altavas-Kalibo vice versa nga sa pihak nga ginakalipay nanda ro mandu it Land Transportation Franchising and Regulatory board ukon LTFRB nga daywang piso nga fare increase, apang nagakabaeaka sa haeos kada domingo nga oil price increase.
Hasta sa makaron suno kana hay owa pa sanda nakabawi sa daywang dag-on nga pagkatengga tuga it pandemic nga gindunganan it sigidas nga pagtaas sa presyo it produktong petrolyo eabi eon ag kaeabanan kanda hay diesel ro ginagamit.
Bangud kara, naga apela sanda sa gobyerno nga maghimo it tikang mapanaba ro presyo it diesel.
Sa pihak nga parte, gina-isip man sigon nanda ro kahimtangan it mga commuters, apang nagapasaeamat sanda sa mga naka-intindi sa andang sitwasyon.
