“Red wave” nga gina-ekspektar it mga Republicans, napaseawan nga matabo

Napaseawan ro republican party nga maangkon ro ginaeauman nga red wave ukon pagdaog it maabong kandidato sa idaeom it nasambit nga partido.

Suno kay Bombo International Correspondent Greg Aguilar it USA nga sa haeos tanan nga ginpatigayon nga surveys angot sa midterm elections  hay masami nga nagapanguna ro mga republicans kontra sa partido it democrats.

Kung siin bangud kara gina-ekspektar nga magapabilin nga ro mga democrats ro magakontrol sa bahin it  California ag New York.

Samtang, republicans man sa bahin it Texas ag FLorida.

Sa makaron, sa pihak nga  nagapadayon sa gihapon ro paghuyap it mga boto kasunod sa nasambit nga eleksyon hay   may mga  pilang kandidato eon ro  gin-anunsiyo nga nagpangingibabaw sa U.S senate ag House races .