Imbitado ro Philippine Red Cross ukon PRC Aklan chapter sa committee hearing nga igapatigayon it committee on health it Sangguniang Panlalawigan.
Raya hay may kaangtanan sa request nga magasueod sa memorandum of agreement ukon MOA ro provincial government para sa renewal it blood service facility nga una sa sueod it provincial hospital.
Ginpaathag ni Mary Joe Galleon, chapter administrator it PRC Aklan chapter nga kinahang-ean ro sangka MOA bilang requirements it Department of Health sa renewal it nasambit nga pasilidad kon siin ginahimo raya kada dag-on ukon may una man sigon nga kahigayunan nga naga-renew sa sueod it daywang dag-on.
Ro blood bank nga una sa sueod it provincial hospital suno kay Galleon hay nagaprovide it dugo, nagaproseso ukon naga-eksamin it nakolekta nga dugo antes nga itayon sa nagakinahang-ean nga pasyente.
Ro nasambit nga committee hearing it natungdan nga komitiba hay igapatigayon sa adlaw it Huwebes
