Sangkiri nga nagnaba ro reserbang dolyar it Pilipinas ukon gross international reserves (GIR) level ko buean it Setyembre kumpara ko Agosto.
Base sa preliminary data halin sa Bangko Sentral ng Pilipinas (BSP), kapin sa US$95.0 billion ro reserbang dolyar sa pagtapos it buean it September 2022 kumpara sa pagtapos it Agosto nga kapin sa US$97.4 billion.
Sa pihak kara, ro gross international reserves hay naga-representa sa bastante nga external liquidity buffer nga katumbas sa 7.6 months’ nga haeaga it imports of goods ag payments sa mga serbisyo ag nagapangunang kita.
Mag-euwas kara, ro dolyar it nasyon hay 6.8 beses kumpara sa short-term nga pagkautang it Pilipinas.
Nag-eksplikar pa ro BSP nga ro month-on-month decrease sa dollar reserves hay tuga it pagbayad it national government sa foreign currency ag paghina it haega it bueawan sa international market.
