Maga-umpisa makarong adlaw ro “Rice For- All” program it Department of Agriculture o pagbaligya it baratong bugas.
Pahayag ni Agriculture Spokesperson Assistant Secretary Arnel de Mesa, nga ro well-milled nga bugas hay ibaligya sa “Rice -For-All” program sa haega nga P45 kada kilo o mas barato it P51 hasta P55 nga baligyaan it mga imported nga bugas.
Maga-umpisa nga ibaligya ro nasambitan nga mga bugas sa ap-at nga Kadiwa Sites nga makita sa Bureau of Plant Industry sa syudad it Maynila, sa Potrero sa Malabon, Llano Road sa syudad it Caloocan ag FTI sa syudad it Taguig.
Mabakae man sa nasambitan nga mga kadiwa ro P29.00 kada kilo it bugas.
Matandaan nga ginsuhestiyon it Pangueong Ferdinand Marcos Jr sa anang State of the Nation Address (SONA) nga magiging permanente eun ro Kadiwa store ag raya hay paeaparon.
