KALIBO, Aklan—Owa it ‘forever’ sa Senate presidency bangud nga anuman nga oras hay pwedeng bayluhan ro nagapungko sa posisyon.
Raya ro ginpahayag ni sangguniang panlalawigan member Nemesio Neron kasunod it rigodon nga natabu sa tunga ni dating senate president Juan Miguel Zubiri paagto sa liderato ni senate president Chiz Escudero.
Ginpaathag ni Neron nga sa pulitika eabi eon sa senado hay “numbers game” ro nagapangibabaw kun sa siin kon may 13 votes hay pwedeng mabayluhan ro liderato.
Kinahangean suno kana nga nagakasinanto ro desisyon ag plano it malakanyang sa manaba ag mataas nga kapueungan it kongreso.
Nauna eon nga nagpanindugan si Escudero nga indi imaw madiktahan it sin-o man sa mga paga-obrahon nana nga desisyon sa senado sa idaeum it anang pagdumaea partikular ro malakanyang.
Samtang, nagapati si Neron nga posibleng may eamod pamulitika ro isyu bangud sa nagahilapit nga mid-term elections.
