BORACAY Island — Sa pihak it hangkat ag epekto nga gin-aywanan it Bagyong Kristine, nagapabilin nga malig-on ro isla it Boracay ag nagapadayon ro sang buean nga selebrasyon it Boracay White Beach Festival 2024.
Sa pihak it naeksperyensyahan nga magae-umon nga panyempo sa isla, ginpadayon ro kapagsik sa pinaagi it paindis-indis sa sports kaibahan eon ro ginbantayan nga International Dragon Boat Competition nga ginpatigayon sa prente it Aqua Boracay, Bulabog Beach.
Kadungan man kara hay ro unang Beach Basketball tournament, Beach Volleyball, Frisbee, ag Football events sa Pearl of the Pacific Boracay.
Mag-eowas kara, tanan nga mga tourism establishments, water sports activities, ag motorboat services sa Tabon Port-Tambisaan Port hay balik eon sa normal ro operational time ag haom eon nga magbaton uman it mga bisita.
Nakumpleto eon ro mga maid-id nga inspeksyon ag mga safety protocols agud masiguro nga ro kada aspeto it Boracay hay haom nga magtao it eowas ag kaaya-ayang eksperyensya sa mga bisita.
Madumduman nga sa kasagsagan it pagpanaeasa it bagyong Kristine, uwa ginpaeampas it mabaskog nga hangin ag uean ro probinsya it Aklan kon sa siin eubus nga naapektuhan ro mga residente ag negosyo maeapit sa coastal areas kon sa siin ro isla it Boracay hay nakaeksperyensya it gutter deep nga pagbaha, nagtik-eob nga electric tricycle, nawasak nga mga panimaeay ag maging ro cannope it pantalan hay uwa nakaeowas sa bagsik it nasambit nga bagyo.
