Eksaktong alas-5:49 it hapon nabaton it Senate impeachment court ro “answer ad cautelam” ukon pormal nga sabat ni Vice President Sara Duterte angot sa writ of summons kontra kana.
Ginpadaea ro dokumento it messenger nga si Arnel Barrientos Jr. it Fortun, Narvasa, & Salazar, ro law firm nga naga-representa kay VP Duterte.
An-om nga mga madamoe nga kopya it 35-pages nga dokumento ro ginsumite sa opisina ni Senate Secretary Renato Bantug Jr.// Sa sabat, nakabutang ro “void ab initio” ukon ro pahayag nga ro kaso hay uwa it bisa halin sa umpisa.
Gin-hinyo iy kampo ni Duterte nga ipa-dismiss ro impeachment case.
Una kara, gin-taw-an si VP Duterte it non-extendible period nga pueong adlaw para magsumite it anang sabat halin sa oras it pag-baton it writ of summons ag kopya it reklamo, alinsunod sa Article 7 it impeachment rules.
Ro mga kopya it sabat hay igapakigbahin kanday Senate President Francis “Chiz” Escudero, Impeachment Court Spokesperson Atty. Reginald Tongol, ag sa mga senador.
