KALIBO, Aklan—Sangka resolusyon ro gindihon sa sangguniang bayan it Kalibo nga nagabawae sa mga pampasaherong tricycle nga magbutang it mga saeaming ukon stainless steel sa prente ukon ubos it bangko it andang mga saeakyan.
Suno kay SB member Ronald Marte nga tuyo kara nga maprotektahan ro mga pasahero kontra boso.
Kaeabanan sigon nga nagiging biktima kara hay ro mga pasahero nga kababayin-an nga nababastos sa oras nga makitaan it sensitibong parte it eawas eabi eon ro mga nakasuksok it palda.
Ginpahayag dugang nga ginduso nana ro nasambit nga resolusyon matapos nga makabaton it mga reklamo.
Nakabaehag sa resolusyon ro request sa transport, traffic and management division nga inspeksyunon ro tanan nga mga pampasaherong tricycle ag engkaso nga makitaan it ginareklamo nga saeaming ukon stainless steel hay kinahangean raya nga kakason.
Ro anang resolusyon hay angot man sa anti boso law.
