Ginkondena ni Senador Francis Pangilinan ro ginpapanaog nga sanctions it China kontra kay Defense Secretary Gilberto Teodoro Jr., ag gintawaga rayang insulto sa Pilipinas ag senyales it naga-lala nga pagpanggipit sa West Philippine Sea.
Gin-enggnayo it senador ro Department of Foreign Affairs (DFA) nga magpasaka it pormal nga protesta matapos bawaean si Teodoro ag ro anang pamilya nga makasueod sa China, Hong Kong, ag Macau.
Suno kay Pangilinan, ro tikang it China hay pag-atake sa soberanong desisyon it Pilipinas, ag pageabag man sa dignidad it estado bangud ginarepresenta sigon ni Teodoro ro opisyal nga polisiya it gpbyerno.
Samtang, ginpamilit it China nga ginpapanaog ro sanctions bangud sa pauman-uman sigon nga pahayag it opisyal nga nakaapekto sa interes it Beijing ag sa relasyon it daywang nasyon.
