Ginmando it Sandiganbayan Third Division ro pagsaylo kay dating House Speaker ag Leyte Rep. Martin Romualdez halin Cardinal Santos Medical Center paadto sa Philippine General Hospital (PGH) sa Maynila hasta Setyembre 12.
Sngot raya it P7.4-bilyong plunder case nga ginpasaka kontra kana ag iba pang akusado bangud sa kickback scheme sigon sa mga flood control project.
Igapasaidaeom si Romualdez sa independent medical examination sa PGH para mapamatud-an ro anang kondisyon ag matumod kun kinahangean pa nana nga magpabilin sa ospital.
Una eon nga ginhinyo it dating speaker ro hospital detention bangud sa mga dati eon nana nga problema sa tagipusuon ag utak, apang ginpamilit it korte nga kinahangean ro bueag nga pag-usisa.
Magapabilin imaw sa PGH hasta sa magpaguwa it panibag-ong kasuguan ro Sandiganbayan.
Ginmanduan it korte ro mga doktor it PGH nga isumite ro andang medical assessment pag-abot it Setyembre 13.
Angot kara, ginsaylo man ro arraignment ag pre-trial ni Romualdez halin Setyembre 14 paadto sa Setyembre 16 samtang ginahueat ro resulta it pag-usisa sa anang kahimtangan.
