Eubus ro kalipay nga nabatyagan ni New Washington sangguniang bayan member Rolly Equiña matapos nga mailihir bilang presidente it Philippine Councilors League ukon PCL Aklan.
Suno kana, overwhelming ag proud imaw sa anang kaugalingon matapos masayuran nga uwa raya it naging kontra sa election nga ginpatigayon ko nagtaliwan nga adlaw it Lunes sa sangka hotel sa banwa it Kalibo.
Sa haeos 160 ka mga konsehal sa bilog nga probinsya it Aklan hay 130 eamang ro nakatambong sa nasambit nga programa.
Uwa sigon imaw nag-ekspektar nga mataw-an raya it kahigayunan nga pamunuan ro PCL maskin nga sayod imaw sa anang kaugalingon nga kwalipikado raya nga maging presidente bangud nga last termer imaw sa pagkakonsehal sa banwa it New Washington.
Eubus man ro anang pagpasaeamat sa kaparehas nga mga konsehal sa ginta-o nga pagsalig kana kon siin himuon sigon kara ro tanan nga mataw-an it igataeopangod ro mga igapaabot kana nga concerns it kaparehong opisyal.
Sa masunod nga dominggo hay may turn-over nga igapatigayon kon siin maga-expand ro anang responsibilidad ag obligasyon.
