KALIBO, Aklan — Ginaboeobanta nga masobra sa P20,000 nga kwarta ag cellphone ro natigayon nga mabo-oe it sangka owa nakilaea nga manakaw sa sueod it sangka bakery bandang alas-2:49 it aga-aga it Martes, Agosto 20 sa Brgy. New Buswang Kalibo.
Suno kay Christopher Magdael, nagatrabaho sa nasambit nga bakery nga maeumo eamang nga nakasueod ro suspek bangud nga owa naka-lock ro andang pwertahan sa nalikod nga portion .
Natiempo sigon nga gin-abisuhan sanda it anang amo nga indi lang i-lock ro pwertahan bangud nga imaw ro magasalang it andang iga-eaha nga pandesal.
Dugang pa nga posibleng masyado eon nga hamuok ro andang katueugon it anang kaibahan bangud nga pasado alas-12:00 it tungang gabi-i eon sanda nga nakatueog.
Nakita sa CCTV kon paalin nga ginsueod ag ginhaeughog it suspek ro kaha kun sa siin nakabutang ro kita it andang Gcash ag bakery kamana man ro sangka cellphone.
