Sangka grupo it community bakers, naghirit sa gobyerno nga dugangan it P4 hasta P8 ro presyo it pandesal

Naghirit makaron sa gobyerno ro sangka grupo it mga community bakery nga dugangan pa it ap-at nga piso ro presyo it regular pandesal samtang waeong piso man sa jumbo pandesal.

Sa tunga raya it andang pagkabaeaka nga amat-amat nga pagkaduea it industriya it tinapay sa nasyon bangud pa gihapon sa mataas nga presyo it mga sangkap sa pag-ubra.

Sa pagtantya it Asosasyon it Panaderong Pilipino, sa makaron hay kapin sa 20% hasta 25% ro numero it mga panaderyang napilitan nga magsarado bangud sa pagkalugi ag mataas nga presyo it baeak-eon.