KALIBO, Aklan—Magapangatubang it daywa ka magkaseparadong kaso ro sangka mister matapos kara nga sakiton ro anang misis sa Brgy. Lumaynay, Altavas.
Ginkilaea ro suspek kay Peter Feliciano, residente it nasambitang lugar.
Base sa report, mismong ro misis it suspek ro nagreklamo sa pulisya matapos imaw kara nga sakiton.
Natueopangdan nga una sa idaeom it makahieilong nga ilimnon ro suspek kahapon kat matabo ro insidente.
Antes ginkulong hay ginapidaeom anay sa medical examination ro suspek kung sa siin pag-abot kara sa Aklan Provincial Hospital hay nagbuhi raya it nagkasari-sari nga maeain nga tinaga kontra sa sangka police officer nga nag-aresto kana.
Ro suspek hay magapangatubang sa kasong Physical abuse ag direct assult in person in authority.
Si Feliciano hay presenteng nagahimas it maeamig nga rehas sa Altavas Municipal Police Station para sa nagakiago nga disposisyon.
