Sangka 14-anyos nga babaye halin sa Alberta ro nakahimo it Guinness World Record pinaagi sa pagsuksok it 22 nga medyas sa anang waea nga siki sa sueod it 30 segundos.
Suno kay Carolena Kruse it Calgary nga ginsanay gid man nana ro anang kaugalingon agud nga mapierde ro dating record para sa may pinakamaabu nga medyas nga ginsuksok sa sangka siki sa sueod it 30 seconds.
Nakaangkon suno kana imaw it tiempo pagkatapos it anang swimming competition ko July.
Eubus ro anang kalipay bangud nga sa unang pagsabak pa eamang hay naeampasan nana ro dating record nga nakasuksok eamang it 19 nga medyas ko Mayo nga naobra ni Aarif Ibn Abdul Halim it India.
Ro official attempt ni Kruse hay gin-record mismo it anang ina .
Gindugang pa kara nga natigayon nana nga mabaton ro anang official certificate pinaagi sa mail ko nagtaliwan nga domingo.
Gindugang pa it teenager nga posibleng igapursige nana ro adult version it record nga nakahimo it 28 socks ukon pagapadayunon ro anang records sa swimming categories.
