BORACAY Island — Naeowas ro sangka turista matapos nga sangkiri nga maeumos sa station 3 sa isla it Boracay.
Suno kay Ensign Joeweskie Sarza, commander it Philippine Coast Guard sub station sa isla it Boracay nga sa mayad nga swerte ag naispatan sanda it anang mga tawuhan nga nagapatigayon it sea born patrol.
Una eon sa mayad nga kahimtangan ro 24 anyos nga turista nga ginasugid nga taga laguna ag nagabakasyon eamang sa isla matapos nga mataw an it paunang medikasyon it mga rumespondeng life guard ag iba pang natungdan nga ahensiya it gobyerno.
Ginapatihan nga posibleng inatake it anang sakit nga epilepsy ro turista kamana nga nga una sa impluwensiya it aeak.
Nagpadumdum man si Ensign Sarza sa mga bisita nga pirmeng magsunod sa mga paandam agud nga malikawan ro disgrasya.
Samtang, sa anchorage area eon man suno kana ro barge nga LCD Poseidon 39 nga sumadsad sa katubian it Boracay.
Raya hay naghalin sa Cebu ag maga deliver kunta it pilote sa sangka hotel sa Brgy. Manocmanoc.
Nakasumaeang sigon ro barge it mabaskog nga hangin ag mabahoe nga humbak rason nga sumadsad.
Ginatumod pa kon nakaangkon it kahalitan ro insidente.
