Sara Duterte pormal eon nga nakipag-istorya sa VP Leni office ag DepEd para sa maayos nga transition

Pormal eon nag-umpisa ro “transition of powers” sa tunga ni outgoing Vice President Leni Robredo ag Vice President-elect Sara Dutert.

Raya ro ginkumpirma ni Liloan Mayor Christina Frasco,  spokesperson ni Sara.

Suno kay Frasco hay pormal eon nga nakipag-istorya  sa Office of the Vice President si Sara ag tuyu nga masigurong may  maayos, ag komprehensibong pagturn-over.

Ginsiguro man ni Atty. Barry Gutierrez, tagapaghambae ni Robredo, nga padayon ro andang pagpahaum sa nasambit nga turn-over.

Dugang pa ni  Frasco nga pormal eon man nga nakipag-istorya si Duterte sa Office of the Secretary it Department of Education.

Maayos man sigon imaw nga ginbaton ni outgoing Education chief Leonor Briones ro appointment ni Pangueong Rodrigo Duterte.