KALIBO, Aklan–Ginpabugae ni Sangguniang Bayan member Augusto Tolentino ro anang resolution nga mabutangan it Closed-circuit television (CCTV) ro pilang lugar sa banwa it Kalibo kaeakip ro merkado publiko.
Suno kay Tolentino, imaw ro nagduso nga mabutangan it CCTV ro housing project sa Brgy. Briones para malikawan ro pilang insidente eabi pa ag maabu eon nga naga-okupa sa lugar.
Sambilog sigon ro CCTV sa anang gintutukan nga proyekto umpisa nga magpungko imaw sa konseho.
Tuyo kara nga ma-monitor ro paghueag sa sangka lugar.
Mabahoe sigon ro maibulig kara sa pagsolbar it mga otoridad engkaso nga may matabo nga krimen.
Mag-euwas kara, plano man ni Tolentino nga ibalik ro ordinansa nga magpatindog it bag-ong struktura it Kalibo Public Market sa pag-umpisa it bag-ong administrasyon sa Hulyo 1.
Nauna eon nga gin-aprubahan it mga miyembro it Sangguniang Bayan ro proposisyon apang napaiway matapos nga makaangkon it problema sa pagabak-eon nga eugta sa Brgy. Andagao, Kalibo.
