Ginsugo it Korte Suprema ro House Quad Committee nga magkomento sa petisyon ni dating presidential spokesperson Harry Roque nga pagbawaean nga ipatawag imaw sa mga masunod nga pagpamati.
Gintaw-an it Mataas na Hukuman ro komite it 10 adlaw halin kat mabaton ro resolusyon it korte sa petisyon ni Roque para magkomento sa plea for prohibition.
Ro desisyon it korte hay kadungan it pagpang-indi kara sa petisyon ni Roque para sa writ of amparo kontra sa House Quad Comm nga nagahimo it mga pagpamati sa Philippine Offshore Gaming Operators (POGOs) ag iba pang mga isyu nga naangot sa dating administrasyong Duterte, ag ginpahayag ro nasambit nga remedyo hay bukon it angkop sa anang sitwasyon bangud limitado eang ro amparo extralegal killings, enforced disappearances ag mga paeag.
Presente nga may detention order ro House committee kontra kay Roque matapos nga ma-cite in contempt bangud sa pagbalibad nana nga i-sumite ro mga ginapangayo nga dokumento para ieksplekar ro insigidang paglobo it anang manggad nga gina-angot sa ilegal nga operasyon it POGO.
