KALIBO, Aklan—Uwa ginapokusan it gobyerno ro pagpaumwad sa sektor it agrikultura.
Raya ro panan-awan ni Atty. Harry Sucgang, sangka abogado sa Aklan kasunod it nagatinaas nga presyo it produktong agrikultura ag ro talamak nga importasyon kaparehas it bugas, asin, asukar ag makaron hay ro nakataeana nga pag-import it nagkaeain-eain nga klase it isda.
Apang, para kay Atty. Sucgang ginataw-an gihapon nana it tyansa ro gobyerno sa idaeom it administrasyon ni Pangueong Ferdinand Marcos Jr. nga imaw man ro nagaserbe nga sekretaryo it Department of Agriculture bangud nga sang dag-on pa eamang ro anang pagdumaea sa nasyon.
Posible suno kana nga may mga plano ag programa pa ro gobyerno para ikamayad sa ikamayad it mga Pilipino.
Naga-import ro nasyon it mga produkto kon ginakueang ro supply apang kinahang-ean nga hagan-haganon ag paumwaron gihapon ro lokal nga produkto.
