Ginpasiguro it Department of Tourism nga padayon nandang pabaskugon ro sektor it turismo sa nasyon sa pinaagi it tamang proteksyon sa mga turista maging lokal man ukon international.
Raya ro gin-insister ni Tourism Secretary Christina Garcia-Frasco sa ginpatigayon nga kauna-unahang Tourist First Aid Facilities sa nasyon.
Naging kabulig it ahensya ro Department of Health maging ro Tourism Infrastructure and Enterprise Zone Authority para ipatindog ro nasambit nga pasilidad.
Nagtambong sa ginpatigayon nga ceremonial signing it Memorandum of Understanding sanday Tourism Secretary Christina Garcia-Frasco, Health Secretary Teodoro Herbosa ag Assistant COO Atty. Joy Bulauitan bilang representante ni TIEZA Chief Operating Officer (COO) Mark LapiD.
Kon madumduman, ginpahayag it United Nations Tourism nga mabahoe nga bulig para sa tourism sustainability ag competitiveness ro pag-angkon it health, safety, security, ag natungdan nga hygiene.
