KALIBO, Aklan — Nag-apela it bulig sa Bombo Radyo Kalibo ro pamilya ni Jobel Baet nga mapanubo ro anang ginapangatubang nga kasong murder sa homicide.
Si Baet nga tubong Barangay Manika, Libacao, Aklan ro security guard nga nakapatay sa 40-anyos nga negosyanteng Chinese-Filipino nga si Albert So matapos ro mainitang diskusyon sa prenti it sangka condominium sa Binondo, Manila ku nagtaliwan nga domingo.
Nag-ugat ro insidente matapos sitahon t guwardiya ro motorsiklo ni So nga ginparada sa prenti ku building nga ginabantayan ni Baet.
Sa interview it Bombo Radyo, ginpahayag ni Melisa Baet, igmanghud ni Jobel nga owa ginahungod it anang igmanghud nga patayon ro negosyante, apang owa eon kara matakuran ro pagpang-insulto rason nga nabaril na raya.
Patas nga hustiya sigon ro andang gina-ayu para sa anang igmanghud.
Gusto nanda nga himuon nga homicide ro kaso agud nga makapiyansa ag temporaryong makahilway si Jobel.
Presenting nakakulong si Baet sa Manila Police District (MPD) ag nagapangatubang sa kasong murder.
