Nag-surrender eon si Senador Rodante Marcoleta matapos daeayon nga isyuhan it Sandiganbayan it warrant of arrest angot it P75 million plunder case nga gindihon kontra kana.
Presenting una sa Camp Crame eon ro senador para magpaidaeom sa booking procedure.
Sa sangka panayam sa senador antes mag-panaw sa Sandiganbayan, ginhambae ni Marcoleta nga ginaeauman eon nana ro pag-isyu kana it warrant ag nagpanindugan nga haum imaw nga atubangong raya.
Bago raya, nag-adto si Marcoleta sa Sandiganbayan ku Lunes it agahon para mag-tambong sa pagpamati sa anang plunder case angot it uwa sigin gindeklarang campaign donations nga nabaton it senador ku 2025 senatorial elections.
Nagdihon si Marcoleta it pilang mosyon kaibahan ro hirit nga ibasura ro kasong plunder apang nakakita it probable cause ro anti-graft court, nga nagresulta sa pag-isyu it arrest warrant kontra kana ag tatlong iba pa.
