Ginpahayag ni Senator Risa Hontiveros ro pagsuporta sa ginhimo it Kamara de Representantes nga pagbuhin ag pagsaylo sa masobra P1.3 billion pesos nga pondo it Office of the Vice President para sa 2025.
Suno kay Hontiveros, mas makapamayad nga isaylo ro pondo sa Department of Health (DOH) ag Department of Social Welfare and Development (DSWD), ro daywang ahensiya nga may konkretong social ag health services.
Gin-insister it Senador nga pwedeng magamit ro nasambit nga pondo sa pagpamayad it health ag social services sa Pilipinas ag mabuligan ro mga kubos kapin eon ro mga may medical condition.
Apang, nagaeaum gihapon ro Deputy Minority Leader nga magatambong si Vice President Sara Duterte sa magiging pagpamati sa budget.
Pilang adlaw antes raya hay gin-anunsyo it Manabang Kapueungan ro pinal nga desisyon nga buhinan ro budget it Office of the Vice President it masobra sa P1.3 billion pesos kon sa siin masobra sa P646.5 million pesos hay igasueod sa DSWD ag pagagamiton sa idaeom it Assistance to Individuals in Crisis Situation (AICS) program.
