SPORTS News—Pormal eon nga gin-anunsyo makaron ni Sen. Manny Pacquiao ro anang eubusan nga pagretiro sa boksing, pilang dominggo makataliwan ro anang anunsiyo nga pagpadaeagan bilang pangueo sa 2022 national and local elections.
Ginpatigayun ni Pacman ro anunsiyo sa 14 minuto nga prepared video produced nga unang ginpaagi sa anang social media account nga Facebook.
Halatang emosyunal ro fighting senator sa anang pagbuhi sa boxing nga nagtao kana it kahigayunan agud mai-angat halin sa kapigaduhon ro anang pamilya ag nagbutang kana bilang sangka nga personalidad ag naga-isaeahanon nga eight division world champion.
Sa nasambit nga anunsiyo ginbalikan ni Manny ro anang kabataan kat tyempo nga handom pa eamang nana nga maging boksingero.
Gin-aku man it pambansang kamao nga owa nana ginaeauman nga mag-abot ro tyempo nga magpahuway eon imaw sa pagboksing.
Kung madumduman, ro naging ulihing hampang ni Pacman hay ko Agosto 22 kung siin ginpyerdi imaw via unanimous decision it Cuban champion nga si Yordenis Ugas sa Las Vegas.
Samtang, sa pagtapos it career ni Pacquiao buyot nana ro 62-8-2 win-loss-draw record.
