Nagpatigayon it send off ceremony ro 19th sangguniang panlalawigan it Aklan sa outgoing president it Philippine Councilors League ukon PCL Aklan chapter nga si Atty. Ricardo Ibarreta Jr.
Raya hay matapos nga may nailihir eon nga bag-ong presidente sa katawuhan ni New Washington sangguniang bayan member Rolly Equiña.
Sa nasambit nga programa, ginbasa ni Aklan first district board member Nemesio Neron ro resolution of gratitude para kay Ibarreta nga ginsundan it pagta-o it mensahe it iba pang myembro it SP Aklan.
Samtang sa pihak nga parte, eubus man nga nagpasaeamat si Ibarreta sa ginpahaom nga aktibidad it anang naging kaibahan sa plenaryo.
Suno kana, uwa imaw nag-ekspektar nga may naging programa para kana sa nakataeana kara nga pagpanaog sa pwesto bilang dating presidente it PCL Aklan chapter.
