Mahugod ro pinuno it agents it Philippine Drug Enforcement Agency (PDEA) bangud nga haeos adlaw adlaw hay may nadakpan sanda nga mga naduso it shabu.
Nagabalor it milyon ukon bilyong piso ro kantidad it shabu.
Nagdagsa ro shabu umpisa nga maghaeuga ro COVID restrictions sa Metro Manila ag iba pang probinsiya.
Sa pihak nga adlaw adlaw ro pagdakop it mga awtoridad sa mga pusher, makangawa-ngawa kon ham-an nga indi gihapon maubus-ubos ro shabu.
Maabu sa gihapon nga nagadagsa ag medyu owa eon it katapusan ro pag-aeabutan.
Makangawa-ngawa man kon ham-an nga owa it nadakpan nga big time drug traffickers ag puro mga maisot nga pushers eang ro nadakpan.
Owa man nasayuran kon siin nagahalin ro mga bulto it droga nga ginapasueod sa mga kada banwa.
Ro pangutana sa PDEA: Puwede baea nga samaron eagi ro mga nakumpiskang shabu agud nga indi eon ma-recycle ro mga raya?
Sa adlaw adlaw nga mga nadakpan nga nagaduso it droga, maabu eon nga shabu ro una sa posisyon it drug enforcement agencies.
Puwedeng isipon nga ro mga nakumpiskang shabu hay ginabalik sa kalye ag uman nga ginakitaan
Pwede raya nga matabu eabi pa ag maabu nga corrupt nga pulis sa makaron.
