BALITANG Espesyal —- Naging viral ag gina-istoryahan ro pagpaospital it sangka sikat nga popstar sa Brazil bangud nga pirme kara nga ginapugngan ro anang pag-utot.
Nagkabaeaka ro 15.7 million followers ni Viviane de Queiroz Pereira ukon mas kilaea sa stage name nga Pocah kat i-post nana sa anang Instagram account nga imaw hay naospital.
Makita sa anang Instagram post nga imaw hay nakapungko sa wheelchair nga may nakasabit nga IV bag.
Apang ginkakibot it tanan kat ginpaathag ni Pocah nga ro rason it anang pagpaospital hay “accumulaton of trapped farts” ukon natipon nga utot.
Suno kay Pocah, nabugtaw imaw it sangka agahon nga may severe stomach pain ag insigida imaw nga gindaea sa ospital.
Nasayuran nga gas pain ro anang naexperiensiyahan bangud sa trapped gas.
Sa makaron hay maayos eon ro kahimtangan ni Pocah ag ginsaysay nana sa anang Instragram account nga ro rason it anang naexperiensiyahan nga gas pain hay ginapugngan nana nga mag-utot eabi eon kon kaibahan ro anang boyfriend.
Apang sa makaron hay nakaangkon eon imaw it leksyon nga indi dapat nga ikahuya ro pag-utot bangud nga kwarta raya it doktor.
