Ginpirmahan eon nanday House Speaker Martin Romualdez ag Senate President Juan Miguel Zubiri ro daywang enrolled bills ro SIM Registration ACT ag ro Barangay and SK Elections Postponement Act sa sangka simpleng seremonya nga ginhiwat kahapon it agahon sa Manila Golf Club sa Makati City.
Ginpahayag ni Speaker Romualdez ginakalipay nana nga makaibahan si Senate President Migz Zubiri sa ceremonial signing sa daywang enrolled bills.
Si Romualdez ro principal author sa House version it SIM Registration Act (HB No. 14) nga gin-aprubahan sa final reading ko September 19.
Personal nga ginsaksihan it mga mamalidha ro nasambit nga seremonya nga ginakaeakipan nanday House Majority Leader ag Zamboanga City Rep. Manuel Jose “Mannix” M. Dalipe, Reps. Toby Tiangco, Marjorie Ann Teodoro, ag Juliet Marie Ferrer, Senate Majority Leader Joel Villanueva, Senate Deputy Majority Leader JV Ejercito, Sens. Imee Marcos ag Grace Poe.
Matapos pirmahan nanday Romualdez ag Zubiri ro nasambit nga enrolled bills hay anda eon rayang ginturned-over kay Presidential Legislative Liaison Office Secretary Mark Llandro Mendoza nga magasumite sa dokumento kay Pang. Marcos Jr.
