KALIBO, Aklan—Nag-apela ro Simbahang Katolika sa mga pomoeuyong Akeanon nga magkipagbuylog sa pagpangamuyo agud nga indi madayun ro plano ni Pangueong Rodrigo Duterte nga pasugtan eun ro operasyon it casino sa isla it Boracay.
Suno kay Bishop Jose Corazon Tala-oc it Saint John the Baptist Catheral Church nga ro nasambitan nga tikang it Presidente hay makatao eamang it temporaryong solusyon rason nga dapat hay mag-usoy raya it iba pang resources.
Dugang pa kara nga ro casino hay baeay-pasugaean kung sa siin una ro tanan it klase it sugae.
Bangud kara, indi dapat sigon masamad ro manami nga pangaean it sangka maisot apang bantog nga isla.
Naging sikat man suno kana ro Boracay bangud sa manami nga lugarag bukon it bangud sa sugae.
Gin-inister man kara nga ro casino hay posibleng magtuga it maabong kriminalidad ag prostitution nga posibleng makasamad sa pangean it Isla ag kung matabo hay malisod eun raya pang mairecover.
