Sports —- Nakasayod baea kamo nga haeos tanan nga mga Filipino athletes nga magasabak sa Tokyo Olympics hay puro mga bagito.
Haeos tanan nga delegado hay puro mga first-timers kun sa siin 18 sa 19 nga mga atleta nga kwalipikado sa Tokyo Games hay magasabak sa aksyon sa Olimpiyada sa kauna-unahan nga kahigayunan.
Si Hidilyn Diaz eamang ro beterana eon nga sumabak sa 2016 Rio Olympics ag nakabo-oe it silver medal sa weightlifting sa women’s 53kg category.
Raya eon ro anang ika-ap-at nga kahigayunan nga maga-compete sa Olympics.
Makabig nga 18 pa eamang nga Filipino ro nakapasakop it tatlo ukon masobra pa sa mga edisyon it Olympics.
Si Diaz hay nagpangaywa sa ranggo it most Olympic appearances kaibahan si Cesar Jayme it shooting. Nagapanguna si Martin Gison it shooting nga nagpasakop sa Olympics ko 1936, 1948, 1952, 1956, ag 1964.
