Nagtaliwan sa pihak nga kinabuhi ro Welsh singer nga si Bonnie Tyler sa edad nga 75, suno sa pahayag it anang pamilya ag management team.
Imaw hay nakilala sa mga hit songs nga Total Eclipse of the Heart, It’s a Heartache, ag Holding Out for a Hero.
Suno sa anang pamilya, nagtaliwan si Tyler sa sangka ospital sa Portugal samtang nagapaidaeum sa pagpabueong para sa anang baeatian.
Naghinyu man sanda it privacy samtang nagapangasubo ag ginhambae nga magapaguwa sanda it dugang nga pahayag sa mga masunod nga adlaw.
Bago ro anang pagkamatay, gindaea si Tyler sa ospital ko Mayo matapos magpaidaeum sa emergency intestinal surgery. Pilang domingo man imaw nga nagpabilin sa intensive care samtang nagapamayad.
Nag-umpisa ro karera ni Bonnie Tyler ko dekada 1970, apang naangkon nana ro anang pangkalibutanon nga kasikatan ko 1983 pinaagi sa kantang Total Eclipse of the Heart.
Kilaea imaw sa anang tumaeagsahon nga husky ukon medyu ea-os nga boses ag nagapabilin nga aktibo sa industriya it musika sa sueod it masobra sa limang dekada.
