Magapatigayon ro South Korea it loudspeaker broadcasts paadto sa North Korea matapos ro uman nga pagpadaea it Pyongyang it mga lobo sa border nga may bitbit nga basura.
Nagpaandam ro South Korea nga gamiton nanda ro “unendurable” measures kontra sa North Korea para sa pagpadaea it nasambit nga mga lobo.
Nag-umpisa ro Pyongyang nga magpadaea it mga lobo nga may bitbit nga basura ag higko sa border ko Mayo ag ro nasambit nga tikang sigon hay baeos sa mga leaflets nga anti-North Korea nga ginpadaea it mga aktibista halin sa South bilang kaparte it sangka propaganda campaign.
Ro broadcast it South Korea hay ginapaguwa halin sa maabong loudspeaker nga nakatambak sa maeagkong rack nga may kadungan nga mga balita sa bilog nga kalibutan ag impormasyon angot sa demokratiko ag kapitalistang komunidad nga may halo nga popular K-pop music.
Ginapatihan nga ro tunog hay nagaabot it masobra sa 20 kilometro ukon 12.4 miles paadto sa North Korea.
