MUAN, SOUTH KOREA – Bumagbag ro South Korean passenger airplane sa Muan International Airport sa South Jeolla Province sa South Korea.
Suno sa South Korean news agency nga Yonhap, sakay it Jeju Air Flight 2216 ro 175 nga mga pasahero ag an’om nga mga crew.
Naghalin ro eroplano sa Bangkok, Thailand antes nag-crash sa Muan International Airport.
Raya hay may kaeayuon nga 288 kilometers sa Capital it South Korea nga Seoul.
Nagtugpa man ro eroplano sa runway apisar uwa it landing gear ag dayon nga bumunggo sa fence it paeuparan.
Nagapadayon man ro imbestigasyon sa insidente.
Apang may gumuwa man nga impormasyon nga ‘bird strike’ ro rason sa pagkasamad it landing gear it eroplano.
Nagtambong man si acting South Korean President Choi Sang-mok sa Central Disaster Management Headquarters kun sa siin ginmando kara ro madasig nga rescue operations.
