KALIBO, Aklan—Uman nga ginpanindugan ni Aklan Sangguniang Panlalawigan Member Atty. Immanuel “Nolly” Sodusta nga naga-abstain imaw sa appropriation ordinance it Aklan provincial government nga nagatuyong maga-utang it kapin sa 148 million pesos agud nga punduhan ro pilang ka mga nakabinbin nga proyekto sa probinsiya.
Suno kay Sodusta nga nagakadapat eamang nga hueaton it gobyerno probinsiyal ro budget para sa mga nasambitan nga proyekto maghalin sa development fund.
Kahapon sigon kat gin-kuwestiyon imaw ni Vice governor Atty. Reynaldo Quimpo sa SP session kung ham-an nga owa raya nagpabor ag kung ayhan may kaangtanan sa eleksiyon ro anang pag-abstain.
Apang ginklaro man ni Sodusta nga owa it kahilabtanan ro eleksiyon sa anang naging desisyon, sa baylo hay owa sigon imaw naila nga mag-utang ro gobyerno probinsiyal ag magbayad pa it tubo.
Dugang pa kara nga medyo maeaw-ay man nga mag-utang para sa bukon gid it importanteng proyekto makarun nga una pa kita sa tiyempo it pandemya.
